ಆಸ್ಟ್ರೇಲಿಯಾ ವಿರುದ್ಧ್ ಟೀಂ ಇಂಡಿಯಾಕ್ ಭರ್ಜರಿ ಜೀಕ್

Tuesday 7 Mar 2017 6:17pm
ಆಸ್ಟ್ರೇಲಿಯಾ ವಿರುದ್ಧ್ ಟೀಂ ಇಂಡಿಯಾಕ್ ಭರ್ಜರಿ ಜೀಕ್
 

ಬೆಂಗ್ಳುರ್: ಆಸ್ಟ್ರೇಲಿಯಾ ವಿರುದ್ಧ್ ದುಸ್ರೆಂ ಟೆಸ್ಟ್ ಪಂದ್ಯಾಟಾಂತ್ ಟೀಂ ಇಂಡಿಯಾ ಭರ್ಜರಿ ಜೀಕ್ ಆಪ್ಣಾಯ್ಲಾ.

ಬೆಂಗ್ಳುರ್'ಚ್ಯಾ ಚಿನ್ನಸ್ವಾಮಿ ಕ್ರೀಡಾಂಗಣಾಂತ್ ಚಲ್ಚ್ಯಾ ದುಸ್ರ್ಯಾ ಟೆಸ್ಟ್ ಪಂದ್ಯಾಟಾಚ್ಯಾ ದ್ವಿತೀಯ್ ಇನ್ನಿಂಗ್ಸಾಂತ್ ಜಿಕುಂಕ್ 188 ರನ್ ಲಕ್ಷ್ ಆಪ್ಣಾಯ್ಲ್ಯಾ ಆಸ್ಟ್ರೇಲಿಯಾಕ್ 112 ರನ್ನಾಕ್ ಆಲೌಟ್ ಕರುನ್ 75 ರನ್ ಅಂತರಾರ್ ಜೀಕ್ ಆಪ್ಣಾಯ್ಲಾ.

ಟಾಸ್ ಜಿಕುನ್ ಇನ್ನಿಂಗ್ಸ್ ಸುರ್ವಾತ್ಲ್ಯಾ ಟೀಂ ಇಂಡಿಯಾ 189 ರನ್ನಾಕ್ ಆಲೌಟ್ ಜಾಲ್ಲೆ. ಉಪ್ರಾಂತ್ ಇನ್ನಿಂಗ್ಸ್ ಸುರ್ವಾತ್ಲ್ಯಾ ಆಸ್ಟ್ರೇಲಿಯಾ 276 ರನ್ನಾಕ್ ಆಲೌಟ್ ಜಾಂವ್ನ್ 87 ರನ್ ಲೀಡ್ ಆಸ್'ಲ್ಲೆ. ಉಪ್ರಾಂತ್ ಬ್ಯಾಟ್ ಕೆಲ್ಲ್ಯಾ ಭಾರತ್ ಜಾಗ್ರೂತ್ಕಾಯೆನ್ ಬ್ಯಾಟಿಂಗ್ ಕರುನ್ 274 ರನ್ ಆಪ್ಣಾಯ್ಲೆಂ. ಹ್ಯಾ ದ್ವಾರಿಂ ಭಾರತ್ ಆಸ್ಟ್ರೇಲಿಯಾಕ್ 188 ರನ್ ಲಕ್ಷ್ ದಿಲೆಂ. ಹಾಕಾ ಫುಡ್ ಕೆಲ್ಲ್ಯಾ ಆಸ್ಟ್ರೇಲಿಯಾ 112 ರನ್ನಾಕ್ ಆಲೌಟ್ ಜಾಂವ್ನ್ ಭಾರತಾಕ್ ತಕ್ಲಿ ಬಾಗಯ್ಲೆಂ.

ಆರ್. ಅಶ್ವಿನಾಚ್ಯಾ ಮಾರಕ್ ದಾಡಿಕ್ ಆಸ್ಟ್ರೇಲಿಯಾ ಖೆಳ್ಗಾಡಿ ಪೆವಿಲಿಯನ್ ಪರೇಡ್ ಚಲಯ್ಲೆಂ. ಅಶ್ವಿನ್ 41 ರನ್ ದೀಂವ್ನ್ 6 ವಿಕೆಟ್ ಆಪ್ಣಾಯ್ಲೆ.

ಚಾರ್ ಪಂದ್ಯಾಟಾಚ್ಯಾ ಟೆಸ್ಟ್ ಸಾಂಕ್ಳಿಂತ್ ದೊನೀ ಪಂಗಡ್ 1-1 ಅಂತರಾರ್ ಸಮಾಸಮ್ ಸಾಧ್ಸಿಲಾಂ.

 

Copyrights © 2017 Konkani News All rights reserved.