ಹೊ ವೆಸ್ಟ್ ಇಂಡೀಸ್‍'ಚೊ 140 ಕಿಲೊ ವಜನ್, 6.6 ಲಾಂಬಾಯೆಚೊ ಆಲ್‌'ರೌಂಡರ್ ಖೆಳ್ಗಾಡಿ

Thursday 2 Mar 2017 8:50pm
ಹೊ ವೆಸ್ಟ್ ಇಂಡೀಸ್‍'ಚೊ 140 ಕಿಲೊ ವಜನ್, 6.6 ಲಾಂಬಾಯೆಚೊ ಆಲ್‌'ರೌಂಡರ್ ಖೆಳ್ಗಾಡಿ
 

ಕ್ರಿಕೆಟಾಂತ್ ಉತ್ತೀಮ್ ಬ್ಯಾಟಿಂಗ್ ಸವೆಂ ಉತ್ತೀಮ್ ಫೀಲ್ಡಿಂಗ್ ಕರುಂಕ್ ಫಿಟ್ನೆಸ್ ಭೋವ್ ಗರ್ಜೆಚೆಂ. ತಸಲ್ಯಾಂತ್ ವೆಸ್ಟ್ ಇಂಡೀಸ್'ಚೊ ಖೆಳ್ಗಾಡಿ ಏಕ್ಲೊ 140 ಕಿಲೊ ವಜನ್ ಆನಿಂ 6.6 ಲಾಂಬಾಯ್ ಆಸ್ಚೊ ಆಲ್'ರೌಂಡರ್ ಖೇಳ್ ಖೆಳ್ತಾ.

ರಕೀಮ್ ಕಾರ್ನವಾಲ್, ಕ್ರಿಕೆಟ್ ಇತಿಹಾಸಾಂತ್'ಚ್ಚ್ ದೈತ್ಯ್ ಕ್ರಿಕೆಟ್ ಖೆಳ್ಗಾಡಿ ಜಾಂವ್ನಾಸಾ. ಕಾರ್ನ್ವಾಲ್ ಸದ್ದ್ಯಾಕ್ ಐಸ್ಲಾಂಡ್'ಚ್ಯಾ ಆಂಟಿಗ್ಯೂಚೊ ಖೆಳ್ಗಾಡಿ ಜಾಂವ್ನ್ ಆಸೂನ್ ಫುಡೆಂ ವೆಸ್ಟ್ ಇಂಡೀಸ್ ಪ್ರತಿನಿಧಿತ್ವ್ ಕರ್ತಲೊ.

2016'ವ್ಯಾಂತ್ ವೆಸ್ಟ್ ಇಂಡೀಸ್ ಪ್ರವಾಸ್ ಹಾತಿಂ ಘೆತ್ಲ್ಯಾ ಭಾರತ್ ವಿರುದ್ಧಾಚ್ಯಾ ಅಭ್ಯಾಸ್ ಪಂದ್ಯಾಟಾಂತ್ ವೆಸ್ಟ್ ಇಂಡೀಸ್ ಕ್ರಿಕೆಟ್ ಬೋರ್ಡ್ ಇಲೆವನ್ ಪಂಗ್ಡಾಂತ್ ಖೆಳ್'ಲ್ಲ್ಯಾ ಕಾರ್ನ್ವಾಲ್ 41 ರನ್ ಆರಾವ್ನ್, 5 ವಿಕೆಟ್ ಆಪ್ಣಾಯ್ಲ್ಯಾತ್. ಹಾಂತೂ ಅಂಜಿಕ್ಯ ರಹಾನೆ, ವಿರಾಟ್ ಕೊಹ್ಲಿ ಆನಿಂ ಚೇತೇಶ್ವರ ಪೂಜಾರ ವಿಕೆಟ್ ಆಪ್ಣಾಯ್ಲೆಂ ವಿಶೇಸ್ ಜಾಂವ್ನಾಸಾ.

ಉಪ್ರಾಂತ್ ಶ್ರೀಲಂಕಾ ಪ್ರವಾಸ್ ಹಾತಿಂ ಘೆತ್ಲ್ಯಾ ವೆಸ್ಟ್ ಇಂಡೀಸ್ ಎ ಪಂಗ್ಡಾಂತ್ ಖೆಳ್'ಲ್ಲ್ಯಾ ಕಾರ್ನ್ವಾಲ್, ಸಾಂಕ್ಳಿಂತ್ 23 ವಿಕೆಟ್ ಆಪ್ಣಾಯ್ಲ್ಯಾತ್. ಸಾಂಕ್ಳಿಂತ್ 20 ವಿಕೆಟ್ ಆಪ್ಣಾಯ್ಲೆಂಚ್ಚ್ ಏಕ್ ಸಾಧನ್ ಜಾಂವ್ನಾಸ್'ಲ್ಲೆಂ.

ಆಯ್ಲ್ಯಾವಾರ್'ಚ್ಚ್ ಇಂಗ್ಲೆಂಡ್ ವಿರುದ್ಧ್ ಅಭ್ಯಾಸ್ ಪಂದ್ಯಾಟ್ ಖೆಳ್'ಲ್ಲ್ಯಾ ಕಾರ್ನ್ವಾಲ್ 59 ರನ್ ಆರಾವ್ನ್, 10 ಓವರಾಂತ್ 39 ರನ್ ದೀಂವ್ನ್ 1 ವಿಕೆಟ್ ಆಪ್ಣಾಯ್ಲೆಂ.

 

Copyrights © 2017 Konkani News All rights reserved.