ಟೀಂ ಇಂಡಿಯಾಕ್ ಕುರ್ಡ್ಯಾಂಚೆ ಟಿ20 ವಿಶ್ವಕಪ್ ಮುಕುಟ್

Sunday 12 Feb 2017 9:54pm
ಟೀಂ ಇಂಡಿಯಾಕ್ ಕುರ್ಡ್ಯಾಂಚೆ ಟಿ20 ವಿಶ್ವಕಪ್ ಮುಕುಟ್
 

ಬೆಂಗ್ಳುರ್:  ಕುರ್ಡ್ಯಾಂಚೆ ಟಿ20 ವಿಶ್ವಕಪ್ ಟೂರ್ನಿಚೆಂ ಫೈನಲ್ ಪಂದ್ಯಾಟಾಂತ್ ಸಾಂಪ್ರದಾಯಿಕ್ ಮುಖಾಮುಖಿ ಪಾಕಿಸ್ತಾನಾಕ್ ಸಲ್ವವ್ನ್ ಟೀಂ ಇಂಡಿಯಾ, ದುಸ್ರ್ಯಾ ಪಾವ್ಟಿಂಕ್ ವಿಶ್ವಕಪ್ ಮುಕುಟ್ ಆಪ್ಣಾಂಚೆ ಕರ್ನ್ ಘೆತ್ಲಾ. 

ಬೆಂಗ್ಳುರ್'ಚ್ಯಾ ಚಿನ್ನಸ್ವಾಮಿ ಮೈದನಾರ್ ಚಲ್ಲ್ಯಾ ಫೈನಲ್ ಪಂದ್ಯಾಟಾಂತ್ ಪಯ್ಲೆಂ ಬ್ಯಾಟ್ ಕೆಲ್ಲ್ಯಾ ಪಾಕಿಸ್ತಾನ್ ನಿಗದಿತ್ ಓವರಾಂತ್ 197 ರನ್ ಆಪ್ಣಾಯ್ಲೆಂ. ಹ್ಯಾ ದ್ವಾರಿಂ ಭಾರತಾಕ್ ಜಿಕೂಂಕ್ 198 ರನ್ನಾಂಚೆ ಸವಾಲ್ ಉಬೆಂ ಕೆಲ್ಲೆಂ. ಹ್ಯಾ ಸವಾಲಾಕ್ ಫುಡ್ ಕೆಲ್ಲ್ಯಾ ಟೀಂ ಇಂಡಿಯಾ ತರ್ಫೆನ್ ಪ್ರಕಾಶ್'ಚ್ಯಾ ಭರ್ಜರಿ ಬ್ಯಾಟಿಂಗಾ ವರ್ವಿಂ ಭಾರತ್ ಸತತ್ ದುಸ್ರ್ಯಾ ಪಾವ್ಟಿಂಕ್ ಟ್ರೋಫಿ ಆಪ್ಣಾಂಚಿ ಕರುನ್ ಘೆತ್ಲಾ. 

2012'ವ್ಯಾ ಕುರ್ಡ್ಯಾಂಚೆ ಟಿ20 ವಿಶ್ವಕಪ್ ಪಂದ್ಯಟಾಂತ್ ಭಾರತ್-ಪಾಕಿಸ್ತಾನ್ ಪಂಗಡ್ ಮುಖಾಮುಖಿ ಜಾಲ್ಲಿಂ. ಹಾಂತೂ ಭಾರತ್, 29 ರನ್ನಾಂನಿ ಪಾಕಿಸ್ತಾನಾಕ್ ಸಲ್ವವ್ನ್ ಪ್ರಥಮ್ ಪ್ರಶಸ್ತಿಕ್ ಕೀಸ್ ದಿಲ್ಲೊ.

 

Copyrights © 2018 Konkani News All rights reserved.