5’ವ್ಯಾ ಕ್ರಿಕೆಟ್ ಟೆಸ್ಟ್ ಮೆಚಾಂತ್ ಕೆ.ಎಲ್ ರಾಹುಲಾನ್ ಸೆಂಚುರಿ ಮಾರ್ಲಿ!

Sunday 18 Dec 2016 2:36pm

ಚೆನ್ನೈ: ಇಂಗ್ಲೆಂಡಾ ವಿರೋಧ್ ಜಾಂವ್ಚ್ಯಾ 5’ವ್ಯಾ ಕ್ರಿಕೆಟ್ ಟೆಸ್ಟ್ ಮ್ಯಾಚಾಂತ್ ಭಾರತಾಚ್ಯಾ ರಾಹುಲಾನ್ ಸೆಂಚುರಿ ಮಾರ್ಲ್ಯಾ.

ಚೆನ್ನೈಚ್ಯಾ ಎಂ.ಎ. ಚಿದಂಬರಂ ಮೈದಾನಾಂತ್ ಚಲೊನ್ ಆಸ್’ಲ್ಲ್ಯಾ ಮೆಚಾಂತ್ ಇಂಗ್ಲೆಂಡಾನ್ ಪಯ್ಲ್ಯಾ ಇನ್ನಿಂಗ್ಸಾಚ್ಯಾ 157.2 ಒವರಾಂತ್ ಸಗ್ಳ್ಯೊ ವಿಕೆಟ್ಯೊ ಹೊಗ್ಡಾವ್ನ್ 477 ರನ್ನ್ ಕಾಡ್ಲ್ಯಾತ್. ಮೊಯಿನ್ ಅಲಿನ್ 146, ಲಿಯಾಮ್ ಡಾಸನಾನ್ 66 ರನ್ನ್ ಕಾಡ್ಲ್ಯಾರ್ ಭಾರತಾಚ್ಯಾ ರವೀಂದ್ರ ಜಡೇಜಾನ್ 3, ಯಾದವ್ ಆನಿಂ ಇಶಾಂತ್ ಶರ್ಮಾಕ್ ದೊದೋನ್ ವಿಕೆಟ್ಯೊ ಮೆಳ್ಳ್ಯಾತ್.

ಕಾಲ್ಚ್ಯಾ ಖೆಳಾಂತ್ ವಿಕೆಟ್ ಹೊಗ್ಡಾಯ್ನಾಸ್ತಾನಾ 60 ರನ್ನ್ ಕಾಡ್’ಲ್ಲ್ಯಾ ಭಾರತಾಚ್ಯಾ ರಾಹುಲಾನ್ ಆಜ್ ಸೆಂಚುರಿ ಮಾರ್ಲ್ಯಾ. 2 ಸಿಕ್ಸರ್, 8 ಬೌಂಡ್ರಿ ಸೆರ್ವೊನ್ 107 ರನ್ನ್ ಕಾಡ್ನ್ ಖೇಳ್ ಮುಕಾರ್ಸಿಲಾ. ಟೆಸ್ಟ್ ಮೆಚಾಂತ್ ಹಿ ತಾಚಿ ಚೊವ್ತಿ ಸೆಂಚುರಿ ಜಾವ್ನಾಸಾ.

ಪಾರ್ಥಿವ್ ಪಟೇಲ್ 71, ಚೇತೇಶ್ವರ ಪೂಜಾರ್ 16 ಆನಿಂ ವಿರಾಟ್ ಕೊಹ್ಲಿನ್ 15 ರನ್ನ್ ಕಾಡ್ಲ್ಯಾತ್.

Sports