ಮೋದಿ ಸಂಪುಟ್ ಪುನರ್’ರಚನ್: ನವ್ಯಾ ಸಚಿವಾಂ ಥಾವ್ನ್ ಪ್ರಮಾಣ್ ವಚನ್ ಸ್ವೀಕಾರ್

Monday 4 Sep 2017 7:33pm
ಮೋದಿ ಸಂಪುಟ್ ಪುನರ್’ರಚನ್: ನವ್ಯಾ ಸಚಿವಾಂ ಥಾವ್ನ್ ಪ್ರಮಾಣ್ ವಚನ್ ಸ್ವೀಕಾರ್
 

ನವಿ ದೆಲ್ಲಿ: ಕರ್ನಾಟಕಾಚೊ ಬಿ.ಜೆ.ಪಿ. ಸಂಸದ್ ಅನಂತ್ ಕುಮಾರ್ ಹೆಗಡೆ ಸೆರ್ವುನ್ ಒಟ್ಟುಕ್ 9 ಜಣಾಂನಿ ನವ್ಯಾ ಕೇಂದ್ರ್ ಸಚಿವ್ ಜಾವ್ನ್ ಆಯ್ತಾರಾ ಪ್ರಮಾಣ್ ವಚನ್ ಸ್ವೀಕಾರ್ ಕೆಲೆಂ. 

ದೆಲ್ಲಿಂತ್ ಆಸ್ಚ್ಯಾ ರಾಷ್ಟ್ರಪತಿ ಭವನಾಚ್ಯಾ ದರ್ಬಾರ್ ಹೊಲಾಂತ್ ನವ್ಯಾ ಸಚಿವಾಂನಿ ಪ್ರಮಾಣ್ ವಚನ್ ಸ್ವೀಕಾರ್ ಕೆಲ್ಲೆಂ ಆಸುನ್, ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಹಾಣೆಂ ಪ್ರತಿಜ್ಞಾ ವಿಧಿ ಚಲೊವ್ನ್ ವೆಲಿ. ಹ್ಯಾ ವೆಳಾರ್ ರಾಜ್ಯ್ ಸಚಿವ್ ಧರ್ಮೇಂದ್ರ್ ಪ್ರಧಾನ್, ನಿರ್ಮಲಾ ಸೀತಾರಾಮನ್, ಮುಕ್ತಾರ್ ಅಬ್ಬಾಸ್ ನಖ್ವಿ, ಪಿಯುಶ್ ಗೋಯಲ್, ನರೇಂದ್ರ್ ಸಿಂಗ್ ತೋಮರ್ ಆನಿಂ ರವಿಶಂಕರ್ ಪ್ರಸಾದ್ ಹಾಂಕಾಂ ಕ್ಯಾಬಿನೆಟ್ ದರ್ಜ್ಯಾಕ್ ಭಡ್ತಿ ದಿಲ್ಯಾ. 

ಪ್ರಮಾಣ್ ವಚನ್ ಕಾರ್ಯಕ್ರಮಾಂತ್ ಉಪ ರಾಷ್ಟ್ರಪತಿ ವೆಂಕಯ್ಯ ನಾಯ್ಡು, ಪ್ರಧಾನಿ ನರೇಂದ್ರ್ ಮೋದಿ, ಸ್ಪೀಕರ್ ಸುಮಿತ್ರಾ ಮಹಾಜನ್, ಬಿ.ಜೆ.ಪಿ. ರಾಷ್ಟಾಧ್ಯಕ್ಷ್ ಅಮಿತ್ ಶಾ, ಗೃಹ್ ಸಚಿವ್ ರಾಜನಾಥ್ ಸಿಂಗ್, ವಿತ್ತ ಸಚಿವ್ ಅರುಣ್ ಜೇಟ್ಲಿ, ಕೇಂದ್ರ್ ಸಚಿವ್ ಸ್ಮೃತಿ ಇರಾನಿ ಆನಿಂ ಸಬಾರ್ ಸಚಿವ್ ತಶೆಂಚ್ ಅಧಿಕಾರಿ ಹಾಜರ್ ಆಸ್’ಲ್ಲಿಂ. ಹ್ಯಾ ಶಿವಾಯ್ ಭಾರತೀಯ್ ಸೈನ್ಯಾಚೆ ತೀನ್ ದಳಾಂಚೆಂ ಮುಖೆಲಿಯೀ ಹಾಜರ್ ಆಸ್’ಲ್ಲೆ. 

 

Copyrights © 2017 Konkani News All rights reserved.