ಭಾರತಾಚೊ ಪಯ್ಲೊ ಅಂತರಿಕ್ಷ್ ಯಾತ್ರಿ ರಾಕೇಶ್ ಶರ್ಮಾ ಜೀವನಾಧಾರಿತ್ ಸಿನಿಮಾಕ್ ಆಮೀರ್ ಖಾನ್ ನಟನ್

Monday 13 Feb 2017 10:17pm
ಭಾರತಾಚೊ ಪಯ್ಲೊ ಅಂತರಿಕ್ಷ್ ಯಾತ್ರಿ ರಾಕೇಶ್ ಶರ್ಮಾ ಜೀವನಾಧಾರಿತ್ ಸಿನಿಮಾಕ್ ಆಮೀರ್ ಖಾನ್ ನಟನ್
 

ಮುಂಬೈ: ಬಾಲಿವುಡ್'ಚ್ಯಾ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಆಮೀರ್ ಖಾನ್, ಭಾರತಾಚೊ ಪಯ್ಲೊ ಅಂತರಿಕ್ಷ್ ಯಾತ್ರಿ ರಾಕೇಶ್ ಶರ್ಮಾ ಜೀವನಾಧಾರಿತ್ ಸಿನಿಮಾಂತ್ ನಟನ್ ಕರ್ಚ್ಯಾವಿಶಿಂ ಖಚಿತ್ ಕೆಲಾಂ.

ಆಮೀರ್, ಖಂಚೇಂಯ್ ಸಿನಿಮಾ ಕೆಲ್ಯಾರ್'ಯೀ ಎಕಾ ಸಿನಿಮಾ ಥಾವ್ನ್ ಆನ್ಯೇಕ್ ಸಿನಿಮಾಕ್ ಅಭಿನಯ್ ವಿಭಿನ್ನ್ ಜಾಂವ್ನ್ ಆಸ್ತಾ. ಅಮೀರ್ ಖಾನ್ ತಸಲೆಂಚ್ ಆನ್ಯೇಕ್ ಪ್ರಯೋಗಾಕ್ ಮುಖಾರ್ ಸರ್ಲಾ. 'ದಂಗಲ್' ಸಿನಿಮಾಂತ್ ಅಮೀರ್ ಕುಸ್ತಿಪಟು ಜಾಂವ್ನ್ ದಿಸೂನ್ ಆಯಿಲ್ಲೊ. ಫಿಲ್ಮ್, ಬಾಲಿವುಡ್ ಸಂಸಾರಾಂತ್ ವ್ಹಡ್ ಯಶಸ್ವಿ ಆಪ್ಣಾಯ್ಲೆಂ. ಆತಾಂ ಆನ್ಯೇಕ್ ಜೀವನಾಧಾರಿತ್ ಸಿನಿಮಾಂತ್ ದಿಸೂನ್ ಯೆತಲೊ. ಹ್ಯಾ ಪಾವ್ಟಿಂ ಆಮೀರ್, ಅಂತರಿಕ್ಷ್ ಯಾತ್ರಿ ಜಾಂವ್ನ್ ದಿಸೂನ್ ಯೆತಾ.

ರಾಕೇಶ್ ಶರ್ಮಾ ಜೀವನಾಧಾರಿತ್ ಸಿನಿಮಾ, ಮಹೇಶ್ ಮಥಾಯ್ ನಿರ್ದೇಶಿಸುಂಕ್ ಆಸೂನ್, ರಾಯ್ ಕಪೂರ್ ಫಿಲ್ಮಂ ಬ್ಯಾನರ್ ಅಡಿರ್ ಸಿದ್ಧಾರ್ಥ್ ರಾಯ್ ಕಪೂರ್ ಆನಿಂ ಆಮೀರ್ ಖಾನ್ ಸಂಯುಕ್ತ್ ರುಪಾರ್ ಸಿನಿಮಾ ನಿರ್ಮಿತ್ ಜಾತೆಲೆಂ. ಫಿಲ್ಮ್ 2018'ವ್ಯಾಕ್ ಮೊಕ್ಳಿಕ್ ಜಾತೆಲೆಂ ಮ್ಹಣ್ ಮುಂಬೈ ಮಿರರ್ ಪತ್ರಿಕೆಂತ್ ವರದಿ ಕೆಲ್ಯಾ.

 

Copyrights © 2017 Konkani News All rights reserved.