ಇಸ್ರಾಯೆಲ್’ಚ್ಯಾ ಗಾಲಿಲೆಯಾ ಪ್ರಾಂತಾಂತ್ಲ್ಯಾ ನಜರೆತ್ ಶಹರಾಂತ್ ಮರಿಯೆಚೆಂ ಭಕ್ತಿಪಣ್

Saturday 20 May 2017 8:54pm
Francis Vaz
Francis Vaz
ಇಸ್ರಾಯೆಲ್’ಚ್ಯಾ ಗಾಲಿಲೆಯಾ ಪ್ರಾಂತಾಂತ್ಲ್ಯಾ ನಜರೆತ್ ಶಹರಾಂತ್ ಮರಿಯೆಚೆಂ ಭಕ್ತಿಪಣ್
 

ನಜರೆತ್, ಮೇ 20 : ಇಸ್ರಾಯೆಲ್’ಚ್ಯಾ ಗಾಲಿಲೆಯಾ ಪ್ರಾಂತಾಂತ್ಲ್ಯಾ ನಜರೆತ್ ಶಹರಾಂತ್ ಇಂಡಿಯನ್ ಚಾಪ್ಲೆನ್ಸಿಚ್ಯಾ ಮುಖೇಲ್ಪಣಾರ್ ಮರಿಯೆಚ್ಯಾ ಭಕ್ತಿಪಣಾಚೊ ಪಾಂಯ್ ವಾಟೆನ್ ಪುರ್ಶಾಂವ್ ಆನಿಂ ಸಂಭ್ರಮಿಕ್ ಮಿಸಾಚೆಂ ಪವಿತ್ರ್ ಬಲಿಧಾನ್ ವ್ಹಡಾ ದಬಾಜೆನ್ ಆಚರಣ್ ಕೆಲೊ.

ಹರ್ಯ್ಯೇಕ್ ವರ್ಸಾ ಇಂಡಿಯನ್ ಚಾಪ್ಲೆನ್ಸಿಚ್ಯಾ ಮುಖೇಲ್ಪಣಾರ್, ಮೇ ಮಹಿನ್ಯಾಂತ್ ಇಸ್ರಾಯೆಲ್’ಚ್ಯಾ ಗಾಲಿಲೆಯಾ ಪ್ರಾಂತಾಂತ್ಲ್ಯಾ ನಜರೆತ್ ಶಹರಾಂತ್, ಆಪ್ಲ್ಯಾ ಫುಡಾರಾ ಖಾತಿರ್ ಪರ್ಗಾವಾಂತ್ ವಾವುರ್ಚ್ಯಾ ಹಜಾರೊಂ ಕ್ರಿಸ್ತಾಂವ್ ಪರ್ಜೆಕ್ ಮಾಂಯ್ ಮಹಿನ್ಯಾಂತ್ ಮರಿಯೆಚೆಂ ಭಕ್ತಿಪಣ್ ಆಧಾರುಂಕ್ ಆನಿಂ ಗಾಂವ್ಚೊ ತೊಚ್ಚ್ ಅನ್ಭೋಗ್ ಭೊಗುಂಕ್ ಸಾಧ್ಯ್ ಜಾಲೆಂ.

ಮರಿಯೆಚ್ಯಾ ಬಾಂಯ್ ಥಾಂವ್ನ್ ಪಾಂಯ್ ವಾಟೆನ್, ಗಿತಾಂ ಗಾಯನಾಂನಿ ಆನಿಂ ಬೆಂಡಾ ನಾದಾನ್, ಮರಿಯೆ ಮಾಯೆಕ್ ಪಾಲ್ಕೆರ್ ಅನ್ನನ್ಸಿಯೇಶನ್ ಬೆಸಿಲಿಕಾ ಇಗರ್ಜೆ ಪರ್ಯ್ಯಾಂತ್ ಭಕ್ತಿಪಣಾನ್ ಪುರ್ಶಾಂವ್ ಕಾಡ್ಲೊ.

ದೇವ್’ಸ್ತುತೆಚೊ ಪ್ರಧಾನ್ ಯಾಜಕ್ ಜಾವ್ನ್ ಗಾಂವಾನ್ ವೆಣೂರ್’ಚೊ ಪ್ರಸ್ತುತ್ ಕಾಪುಚಿನ್ ಸಮುದಾಯೆಚೊ ಸಾಂದೊ ಜಾಂವ್ನ್ ಜೆರುಸಲೇಮಾಂತ್ ಮಿಸಾಂವ್ ವಾವ್ರ್ ಕರುನ್ ಆಸ್ಚ್ಯಾ ಕಾಪುಚಿನ್ ಫ್ರಾದ್ ಮಾನಾದಿಕ್ ಸಂತೋಷ್ ಲೋಬೊ ಹಾಜರ್ ಆಸ್ಲೆ.

ಇಂಡಿಯನ್ ಚಾಪ್ಲೆನ್ಸಿಚೊ ಚಾಪ್ಲೆನ್ ಮಾ| ತೋಜಿ ಜೋಸ್ ಬಾಪಾಂನಿ ಸರ್ವಾಂಕ್ ಬೊರೆಂ ಮಾಗುನ್ ಹ್ಯಾ ಸಂಭ್ರಮಿಕ್ ದೇವ್-ಸ್ತುತಿಚ್ಯಾ ಭಕ್ತಿಪಣಾಂತ್ ಹಾಜರ್ ಜಾಲ್ಲ್ಯಾ ಸರ್ವ್ ಯಾಜಕಾಂಕ್, ಬ್ರದರಾಂಕ್ ಆನಿಂ ವಾರ್ವಾಡ್ಯಾಂಕ್ ಧನ್ಯವಾದ್ ಪಾಟಾಯ್ಲೆಂ.

ಹ್ಯಾ ಭಕ್ತಿಪಣಾಕ್ ಆಧಾರ್ ಜಾವ್ನ್ ತೆಲ್-ಅವೀವ್’ಚ್ಯಾ ಗಾಯನ್ ಮಂಡಳಿನ್ ದೇವ್ ಸ್ತುತಿಚ್ಯಾ ಗಾಯಾನಾಂ ಮುಖಾಂತ್ರ್ ಮರಿಯೆಚೆಂ ಭಕ್ತಿಪಣ್ ಸ್ಮರಣ್ ಕರುಂಕ್ ಆಧಾರ್ ಜಾಲೆಂ.

Syndicates Media Network

 

Copyrights © 2017 Konkani News All rights reserved.